06 سبتمبر 2011

دليل المتظاهر السلمى لحماية نفسه

 ------- تحت الأنشاء ------

طبعاً لانى عارف ان الأمن المركزى ومن قبلهم الشرطة العسكرية هيضربونا بالعصى وبالرصاص أحياناً
فهذا مجهود بسيط لتوعية المتظاهر عن كيفية حماية نفسه ... والأماكن اللى يقدر يشترى منها هذه الأغراض فى القاهرة

أولا رأسك وعنيك أهم شىء فى جسمك
رأسك :
ممكن تلبس خوزة الموتيسيكل رغم وزنها الكبير ولكن هى الوحيدة القادرة على حماية عينك ايضاً  ... ودى هتلاقيها فى محلات قطع غيار الموتيسيكلات بشارع الساحة فى وسط البلد.

خوذة الهندسة واعمال المقاولة وهى خوز خفيفة ولكنى لا أنصح بها لانها غير عملية فى الكر والفر وممكن تشتريها من شارع الجمهورية ورا مسجد الفتح - رمسيس ... وممكن تلاقيها فى العتبة ايضاً وفى وكالة البلح.

خوزة العجلة ... وهى خوزة خفيفة وقادرة على حماية رأسك بشكل شبه كامل ... وفى منها خفيف بسعر بسيط ومنها القوى بسعر أعلى ... الخوزة الحمراء فى الصورة هى الخفيفة والأخرى هى خوزة العجل المثلى.

الخوزة الخفيفة هتلاقيها فى حدود ٣٠ جنيه فى محلات الألعاب الرياضية زى سبورتس مول أمام  جنينة مول ... او من سبورتس مول فى المهندسين
الخوزة الكبيرة والتى أنصح بها بتبقى من ١٥٠ جنيه لحد ٣٠٠ جنيه ... هتلاقيها أكبر من دماغك مش مهم اهى احسن من مفيش ... وممكن تجيبها من محلات العجل :
- أبو الجوخ فى شارع الجمهورية
 - محلات العجل فى شارع المساحة بوسط البلد
- محل توكيلات العجل بسكلتة بالخليفة المأمون

عينيك:

نظارة ميه ب ١٥ جنيه تأدى الغرض ... ولو بتلبس نظارة أنزل بيها واوعى تنزل من غيرها وربنا يحميك

-----------------------

صدرك وبطنك:
مهم جدا حماية نفسك من الطلق البلى وللعلم الطلق دا مبيكونش له تأثير لو انت بعيد عن البندقية ٤٠ متر ... لو أقرب من ذلك بتكون المشكلة فى ضربه فى اماكن حساسة مثل الفم العين القلب العورة.
هتحمى جسمك بطريقتان
- لبس شىء ثقيل  مثل الجاكت الجلد ... بالطو ... ولازم يكون بكم
- لبس شىء خفيف بكم ... لكن عليك ان لا تكون فى الخطوط الأولى التى سيتم التعامل معها بالعصى ... لكن فى نفس الوقت أنصحك بلبس حزام بطن  لتخفيف وطىء ضرب الطوب عليك وكذلك لحماية هذا الجزء من الطلق البلى وبعض الأشخاص بيجرى أسرع وبإرتياح اكبر لو لبس حاجة ماسكة ظهره.
ستجد حزام البطن فى سبورتس مول امام جنينة مول فى فرع المهندسين وله أفرع فى اماكن مختلفة وله مقاسان تبعاً لطول البطن ... وتمنه لا يتجازو ال ١٠٠ جنيه



لأننا سنتعامل مع مدرعات امن مركزى وناقلات جنود وعربات مطافىء مياه لتفريق المتظاهرين فلكم هذه النصائح

أهم شىء فى اى عربة متحركة هو السائق والكاوتش ... تجبن حرق اى عربة لعدم التخريب لانك من الممكن ان تنكسها ولا يعد لها فائدة بدون حرقها وتذكر ان ما تحرقه هو أموالنا وليس اموال الشرطة
أحضر معك سكين صغير حاد وأمن فى نفس الوقت ... لانك ستستخدمه عند اقترابك عن عربات الأمن المركزى او المدرعات فى ثقب أطار العربة لتنكيسها ... واستخدم نفس الطريقة مع عربات المطافىء ... وركز على الأطارات الفردية التى دائماً تكون فى مقدمة السيارة.

لو وصلت لعجلة قيادة عربات الشرطة او المدرعات قم بكسرها وتأكد من خرق أطاراتها حتى لا تتحرك مرة أخرى.
------------


















تجنب:
- أن تعبث بالممتلكات العامة حتى لو أخذتك الحماسة. أوقف أيضا من تراه يفعل ذلك.
- تجنب رمي الحجارة من باب الانفعال على الشرطة قبل أن تبدأ الشرطة بالأذية. فإن ذلك سيعطيها سببا لقمع “الشغب” كما ستعلن عنه في قنوات إعلامها الفاسد.
- بادر بترديد (سلمية..سلمية) لتذكير المتظاهرين بضرورة سلمية المظاهرات


   روابط أخرى مفيدة سيتم ضمها للدليل خلال ساعات 
دليل المتظاهر السورى
رابط أخر للغاز المسل للدموع

ليست هناك تعليقات: